प्रधानमन्त्री बालेन शाहले १२ वर्षअघि सार्वजनिक गरेको ‘र्याप ब्याटल’ युट्युब सामग्री हटाउन माग गर्दै परेको उजुरीपछि साइबर ब्युरोले औपचारिक अनुसन्धान अघि बढाएको छ। लैंगिक तथा यौनिक अल्पसंख्यक समुदायमाथि अपमानजनक अभिव्यक्ति प्रयोग भएको दाबी गर्दै पूर्व संविधानसभा सदस्य सुनिलबाबु पन्तले दिएको निवेदन दर्ता भएसँगै ब्युरोको प्राविधिक टोलीले भिडियोको सामग्री विश्लेषण सुरु गरेको हो। ब्युरोका अनुसार उजुरीमा उल्लेख गरिएका शब्द र सन्दर्भ कानुनी मापदण्डविपरीत देखिए सम्बन्धित प्लेटफर्म युट्युबसँग सामग्री हटाउन समन्वय गरिनेछ। सार्वजनिक बिदाका कारण प्रक्रिया केही ढिलो भए पनि सोमबारदेखि थप अनुसन्धान र निर्णय प्रक्रिया तीव्र बनाइने जनाइएको छ।
