२० वैशाख, काठमाडौं । सिंगापुरमा आज संसदीय निर्वाचनका लागि मतदान भइरहेको छ। निर्वाचनमा मुख्य प्रतिस्पर्धा सन् १९६५ देखि सत्ता सम्हाल्दै आएको पिपुल्स एक्सन पार्टी र प्रमुख विपक्षी दल वर्कर्स पार्टीबीच देखिएको छ।
यी दुईबाहेक अरू थुप्रै साना दलहरू पनि प्रतिस्पर्धामा छन्। निर्वाचनको परिणाम मे ४ (भोलि आइतबार) सम्म सार्वजनिक हुने अपेक्षा गरिएको छ।
सिंगापुरका ३३ निर्वाचन क्षेत्रका लागि ९७ संसदीय सिटहरूमा मतदान भइरहेको छ। यीमध्ये सिंगल मेम्बर कन्स्टिचुएन्सी (एसएमसी) र रिप्रजेन्टेशन कन्स्टिचुएन्सी (जीआरसी) छन्।
जीआरसीमा ४–५ जना उम्मेदवारको टिमले प्रतिस्पर्धा गर्छ, जसमा कम्तीमा एक जना अल्पसंख्यक समुदाय (मलाय वा अन्य) बाट हुनैपर्छ।
